Svona lítur matseðillinn út á Hátíðarkvöldverði KM

Frá Hátíðarkvöldverði KM.
Mynd: Guðjón Þór Steinsson.

Um langt árabil hefur Klúbbur matreiðslumeistara byrjað nýtt ár með glæsilegum margrétta hátíðarkvöldverði þar sem boðið er uppá allt það besta í mat og drykk.

Hátíðarkvöldverður Klúbbs matreiðslumeistara verður haldinn laugardaginn 6. janúar n.k. á Hilton Hótel Nordica. Það skal engan undra að uppselt verður á kvöldverðinn líkt og síðustu ár, en í fyrra voru gestirnir um 350 manns.

Að venju eru ábyrgðarmenn við hvern rétt á matseðlinum sem er glæsilegur:

Lystauki
Kokkalandsliðið.
Vín: Ayala Brut Nature, Ay – Frakkland.

Bleikja frá Haukamýri, hörpuskel og egg
Sigurður Kristinn Laufdal Haraldsson, Grillið.
Vín: Gnarly Head Pinot Grigio, Lodi – USA

Þorsk klumbra, hvannarkrem, villisveppa og beltisþaragljái
Gísli Matthías Auðunsson, Slippurinn
Vín: Paul Jaboulet Condieu, Rhone – Frakkland

Ricotta ostur, grasker, granatepli, pistasíur og hunang
Jóhannes Steinn Jóhannesson, Jamie´s Italian.
Vín: Viking White Ale, Akureyrir – Ísland

Grafin gæs, lifur og krækiber
Theodór Páll Theodórsson, KM Norðuland
Vín: Diora Pinot Noir, Monteray – USA

Lamba hryggvöðvi, sveppir, brioche, laukur og lamba tunga
Snorri Victor Gylfason, Vox.
Vín: Brunello di Montalchino Castellani, Toskana – Ítalía.

Eldur og ís
Bjarni Siguróli Jakobsson Bocuse d´Or kandítat 2018-2019.
Viktor Örn Andrésson Bocuse d´Or Bronze 2017.
Vín: Muscat Beaumes de Venise Paul Jaboulet, Rhone – Frakkland

Konfekt
Konfektmeistarinn.
Chaqwa kaffi, Drambuie – Skotland

Yfirmatreiðslumaður er Friðgeir Ingi Eiríksson, en hann stendur nú í stórræðum þessa dagana að opna í byrjun árs nýjan veitingastað á Laugavegi 77 að nafni Brasserie Eiriksson. Vínþjónn er meistarinn sjálfur Gunnlaugur Páll frá CCEP, en hann kynnir jafnframt alla drykkina.

Fjöldi fagfólks vinnur endurgjaldslaust að undirbúningi kvöldsins og leggur metnað sinn í að skapa framúrskarandi upplifun sem um leið er ein helsta fjáröflun Klúbbs matreiðslumeistara. Klúbburinn rekur Kokkalandsliðið og heldur keppni um Kokk ársins, auk fjölda annarra verkefna sem miða af því að efla matarmenningu okkar Íslendinga.

Fyrir áhugasama einstaklinga sem vilja aðstoða og hjálpa til við undirbúning á kvöldverðinum er bent á að hafa samband við Ragnar Marínó Kristjánsson í síma 895-3093 eða á netfangið [email protected].

Auglýsingapláss