Svar vegna fyrirspurnar um skýrslu stjórnar MATVÍS og fundargerðar frá aðalfundi félagsins

Freisting.is óskaði eftir ítarlegri skýrslu frá síðasta aðalfundi Matvís og hefur stjórn Matvís fundað um málið og svarar eftirfarandi:

Svar vegna fyrirspurnar um skýrslu stjórnar MATVÍS og fundargerðar frá aðalfundi félagsins

Á stjórnarfundi 22.5.2007 var tekið fyrir erindi frá Smára Sæbjörnssyni um birtingu ársskýrslu félagsins eins og hún var samþykkt á aðalfundi félagsins þann 14. Maí sl. inn á  heimasíðu freistingar.is. 

Fundurinn fjallaði um erindið og var sammála því að fyrst bæri að líta til þess að slík birting yrði á heimasíðu félagsins áður en ákvörðun væri tekin um hvort þessar upplýsingar yrðu birtar á öðrum heimasíðum. 

Uppbygging ársskýrslu þarf að taka mið af því hvort hún eigi á að birtast á vefnum, annað hvort að henni fylgi samantekt eða þá að einvörðungu úrdráttur úr skýrslunni væri birtur.  Slík ákvörðun hefur ekki verið tekin, um hvort og þá hvaða upplýsingar eða með hvaða hætti slíkar upplýsingar yrðu settar upp á heimasíðu MATVÍS. 

Í ljósi þess var ákveðið að vísa erindinu frá að svo stöddu.

www.matvis.is

Freisting.is vill þakka Matvís fyrir greinagóð svör.

[email protected]