Sunnlenskur bjór senn á markað

Sunnlenskur sælkerabjór verður á boðstólnum innan tíðar. Keypt hefur verið bruggverksmiðja í Danmörku sem setja á upp í Flóanum. Sunnlendingar hafa lengi kunnað sitthvað fyrir sér í bruggun ýmissa göróttra drykkja og á tyllidögum víða hægt að fá fínasta „hjemmelaget“ út kaffið svona rétt til að kæla það í það minnsta.

Ætla má að dregið hafi eitthvað úr þessum heimilisiðnaði í seinni tíð eftir að svokallaðar Vínbúðir hafa sprottið upp í næsta hverju þorpi í héraðinu. En alvöru bruggverksmiðja hefur aldrei verið á Suðurlandi, þar að þrír dugnaðarmenn austan úr Flóanum fóru til Danmerkur fyrir helgi og keyptu ger og græjur sem þarf til að búa til gæða öl að hætti frænda okkar.

Mjöð þennan hyggjast þeir framleiða í útihúsunum í Ölvisholti og selja að mestu hér á landi en um þriðjung í Danmörku. Bjarni Einarsson er einn eigenda bjórverksmiðjunnar, og hann hyggst læra uppskriftina að sunnlenskum sælkerabjór af heimsfrægum bruggurum. Ölið ætti að vera byrjað að flæða fyrir árslok en heildarframleiðsla á ári er áætluð um 300.000 lítrar.

Ruv greindi frá

[email protected]