Stracciatella – ljúffeng Burrata fylling

Íslenski Burrata osturinn hefur átt miklum vinsældum að fagna undanfarin misseri og hefur eftirspurnin verið langtum meiri en framleiðslugetan. Til að svara kalli viðskiptavina hefur nú verið sett á markað burrata fylling samskonar rjómafyllingunni sem finna má í burrata kúlunum.

Fyllingin gengur enn fremur undir nafninu Stracciatella og smakkast einstaklega vel með tómötum, ferskri basilíku og balsamikgljáa. Þá er upplagt að nota fyllinguna í salöt, pizzur, samlokur eða á snittubrauð.

Burrata fyllingin er seld í 160 g dósum og í einni pakkningu eru sex dósir. Nánari upplýsingar um verð fást hjá sölumönnum MS.