Stærsti viðburður ársins verður næstu helgi – Um 160 Íslenskir fagmenn taka þátt

Um langt árabil hefur Klúbbur matreiðslumeistara byrjað nýtt ár með glæsilegum margrétta hátíðarkvöldverði þar sem boðið er uppá allt það besta í mat og drykk.

Skrunið niður til að horfa á myndbönd.

Fjöldi fagfólks vinnur endurgjaldslaust að undirbúningi kvöldsins og leggur metnað sinn í að skapa framúrskarandi upplifun sem um leið er ein helsta fjáröflun Klúbbs matreiðslumeistara.  Klúbburinn rekur Kokkalandsliðið og heldur keppni um Kokk ársins, auk fjölda annarra verkefna sem miða af því að efla matarmenningu okkar Íslendinga. Með góðum stuðningi velunnara hefur klúbburinn getað haldið úti því öfluga starfi sem hér um ræðir.

Þessi sáu meðal annars um að gera hátíðarkvöldverð KM 2015 hinn glæsilegasta
Mynd: Rafn Rafnsson.

Hátíðarkvöldverðurinn verður að þessu sinni haldinn á Hilton Reykjavík, laugardagskvöldið 9. janúar næstkomandi. Þema kvöldsins er „Bændamarkaður“ þar sem kokkar kvöldsins galdra fram glæsilegan margrétta matseðil.

Slegið á létta strengi.
Jakob Magnússon og Hilmar B. Jónsson á Hátíðarkvöldverð KM 2015.
Instagram mynd: @svarfdal66

Gestakokkur kvöldins er matreiðslumaðurinn Vilhjálmur Sigurðarson sem rekur veitingastaðinn Souvenir í Belgíu og hafa tæplega 400 gestir keypt sér miða.

Eftirspurn eftir miðum er langt umfram framboð og varð uppselt á kvöldverðinn í byrjun desember, en miðaverð er 45 þúsund.  Hver gestur fær sérhannaðan disk sem matseðillinn er innprentaður í eftir listamanninn Einar Hákonarson.

Líkt og hefur verið síðastliðin ár þá er þjónustan í höndum meðlima í Barþjónaklúbbi Íslands.  Yfir 100 matreiðslumenn koma beint að þessum kvöldverði og um 70 framreiðslumenn.

Hópmynd af matreiðslumönnum á hátíðarkvöldverði KM 2015 með þremur forsetum
Mynd: Rafn Rafnsson.

Myndband – Á bak við tjöldin

Bjarni Gunnar Kristinsson yfirmatreiðslumaður í Hörpu setti á sínum tíma saman skemmtilegt myndband sem sýnir á bak við tjöldin á Hátíðarkvöldverði Klúbbs Matreiðslumeistara sem haldin var í fyrra í Hörpu í nánu samstarfi við Barþjónaklúbb Íslands.

Kynningarmyndband

Á hátíðarkvöldverðinum í fyrra fengu gestir að sjá kynningu frá kokkunum á hverjum rétti fyrir sig og drykkjunum sem fylgdu, en hér má sjá kynningarmyndbandið:

Matseðill, ábyrgðarmenn og vínseðill á hátíðarkvöldverðinum 9. janúar 2016 er eftirfarandi:

Lystauki
Eldri & yngri

Þorskur, hirsi og gulrætur
Vilhjálmur Sigurðsson

Hörpuskel, gerjaður hvítlaukur og grænkál
Atli Þór Erlendsson

Silungur, seljurót og fáfnisgrasolía
Einar Hjaltason

Reyktir tómatar, svartrót og súrsað majónes
Sigurður Gíslason

Villibráðarpressa
Einar Geirsson

Nautalund, sveppakrem og sólberjagljái
Fannar Vernharðsson

Skyr og jarðarber
Þráinn Freyr Vigfússon og Garðar Kári Garðarsson

Konfekt
Hafliði Ragnarsson

Yfirmatreiðslumaður er Stefán Elí Stefánsson

Vínseðill:

Bollinger Special Cuvée Magnum
Ay, Frakkland

Sancerre Frank Millet
Loire, Frakkland

Morande Gran Reserva Chardonnay
Casablanca, Síle

Einstök White Ale
Akureyri, Ísland

Chanson Nuits St. Georg
Bourgogne, Frakkland

Bodegas Roda Sela
Rioja, Spánn

Paul Jaboulet Muscat
Beaumes de Venise
Rhone, Frakkland

Chagwa kaffi
Hardy CSOP Organic Cognac, Frakkland
Drambuie, Skotland

Sommelier kvöldsins er Gunnlaugur Páll Pálsson

Slippurinn í Vestmannaeyjum var með rétt á hátíöarkvöldverði Klúbbs matreiðslumeistara – Leturhumar með söl & veturþurrkuðum steinbít.
Instagram mynd: @slippurinn

Nokkrir höfðingjar saman komnir.
Instagram mynd: @svarfdal66

Frá Hátíðarkvöldverði KM 2013
Mynd: Guðjón Þór Steinsson.

Meðfylgjandi myndir voru teknar á hátíðarkvöldverðum Klúbbs matreiðslumeistara síðastliðin ár.