Róbert Aron Garðarsson Proppé vinnur Eagle Award á HM Barþjóna

Róbert Aron Garðarsson Proppé og Teitur Ridderman Schiöth forseti Barþjónaklúbbs Íslands

Íslenski barþjónninn Róbert Aron Garðarsson Proppé lauk í gær keppni á World Cocktail Championship (WCC) 2025 í Cartagena með frábærum árangri, en hann hlaut hin eftirsóttu Eagle Award verðlaun fyrir framúrskarandi frammistöðu.

Þrátt fyrir að hafa ekki náð sæti í ofurúrslitunum (Top 3), náði Róbert Aron ótrúlegum árangri þegar hann lenti í 2. sæti í sínum riðli, flokknum „Before Dinner“, í undankeppninni og tryggði sig þannig í 15 manna úrslitin þar sem keppt var í skriflegu kunnáttu prófi, bragð og lyktarprófi og svo kallaðri “Market Challenge” keppni þar sem keppendur þurftu að versla öll hráefni og útbúa nýjan drykk á 90 mínútum.

Dómarar fylgjast grannt með frammistöðu Róberts Arons í Market Challenge keppninni.

Eagle Award: Viðurkenning fyrir ungt stjörnuefni

Eagle Award verðlaunin eru veitt ungum keppanda sem hefur skarað fram úr á mótinu og sýnt fram á mikla hæfileika og möguleika til framtíðar. Þessi viðurkenning undirstrikar hversu framúrskarandi framlag Róberts var á mótinu sem samanstóð af keppendum frá 65 löndum.

Róbert keppti með kokteilnum sínum, Prelude, sem er blanda af Espolon Reposado Tequila, Campari, Monin Timur Berry Cordial og íslensku sódavatni.

Úrslit kynnt á hátíðarkvöldverði

Á hátíðarkvöldverðinum og verðlaunaathöfninni á fimmtudagskvöldinu voru veitt fjöldi verðlauna. Róbert Aron hlaut viðurkenningu sína þar.

Úrslit

1. sæti – Pierre Munier frá Frakklandi

2. sæti – José Valintin frá Puerto Rico

3. sæti – Jin Hwam Kim frá Suður Kóreu

1. sæti í Flair – Deniss Trifanos frá Lettlandi

Róbert Aron Garðarsson Proppé getur verið afar stoltur af frammistöðu sinni, að ná 2. sæti í sínum riðli og hljóta Eagle Award verðlaunin á heimsmeistaramóti barþjóna, sem sýnir að íslenskir barþjónar eru í fremstu röð á heimsvísu.

Á Instagram síðu Barjónaklúbbs Íslands má svo nálgast fullt af efni frá keppninni.

Hér má sjá öll þau verðlaun sem voru veitt:

 

View this post on Instagram

 

A post shared by International Bartenders Association IBA (@international_bartenders_iba)

Myndir: Ómar Vilhelmsson