Public House Gastropub er nýr veitingastaður á Laugaveginum

Framkvæmdir í fullum gangi

Public House Gastropub er nýr veitingastaður við Laugaveg 24 þar sem Lemon var áður til húsa. Staðurinn mun taka 55 manns í sæti og pöbba stemmning ráða ríkjum með háklassa mat með asískum áhrifum.

Gunnsteinn Maríusson eigandi og Patrick Hansen, vaktstjóri

Eigendur eru Eyþór Mar Halldórsson og Gunnsteinn Helgi Maríusson, en þeir eru ekki ókunngir veitingabransanum þar sem þeir hafa opnað Íslenska barinn, Uno og Sushisamba saman.

Eyþór Mar Halldórsson

Á Public House Gastropub ætlum við að hafa hágæða matreiðslu og hágæða stemmingu. Við matreiðsluna notumst við íslenskt hráefni en bætum við smá japansku tvisti, því okkur finnst gaman að leika okkur smá með mat og drykk.

Allir réttir á Public House Gastropub eru smáréttir, þú parar saman matseðil með þínum réttum en við sjáum um að para bjór og aðra drykki við réttina ef þú ert í stemmingu fyrir það. Við berum síðan réttina á borð fyrir þig í þeirri röð sem þeir eru tilbúnir, við lofum samt að geyma eftirréttina alltaf þangað til síðast.

Þar sem það skiptir miklu máli fyrir okkur að matargestir fari saddir út, finnst okkur rétt að benda á að við mælum með 3-5 réttum á mann fyrir fulla máltíð.

Brunch gerir góða helgi enn betri, það eina sem getur toppað góðan brunch er brunch með smá bubbly. Champagne brunch allar helgar á Public house Gastropub.

, sagði Eyþór í samtali við veitingageirinn.is aðspurður um mat- og vínseðilinn. Stutt er í að Public House Gastropub opnar, en áætlað er að opna í lok apríl.

Heilagar flísar í Public House Gastropub.
Eigendur fengu þessar 100 ára gömlu flísar úr kirkju á Spáni sem munu m.a. prýða veitingastaðinn Public House Gastropub

Arngrímur að gera sig tilbúinn í málverkið

Alveg að verða ready

Myndir: af instagram síðu Public House Gastropub.

Facebook síða: Public House Gastropub.

Heimasíða: www.publichouse.is

/Smári