Pepsi siglir fram úr Diet Coke

Pepsi tók fram úr Diet Coke í sölu á síðasta ári og er þar af leiðandi orðinn næst vinsælasti gosdrykkur í Bandaríkjunum. Heilsusamlegari neytendur halda áfram að sniðganga vörur með gervisætuefnum.

Coca-Cola heldur sæti sínu á toppnum en sala á Diet Coke féll um 6,6% á síðasta ári. Eitt sinn voru gosdrykkir algeng sjón á matarborðum Ameríkana en eitthvað hafa vinsældir þeirra farið dvínandi á síðustu árum, að því er fram kemur á vef Viðskiptablaðsins, en greint var frá þessu á BBC.

Mynd: úr safni

/Smári