Stórkaup langar að bjóða aðila í ferðaþjónustu velkomna á opið hús þar sem fjölbreytt úrval af vörum og lausnum fyrir hótel og gistiheimili verða kynnt.

Þetta er frábært tækifæri til að hitta starfsfólk Stórkaups, fá innsýn í nýjungar og finna réttu vörurnar fyrir þitt fyrirtæki.

Við munum meðal annars kynna:

• Hótelvörur
• Hreinlætislausnir
• Matvöru
• Gos, sælgæti og snakk
• Bór og vín
• Lín
• Ræsti- og hótelvagna
• Ryksugur og gólfþvottavélar

Opið hús verður frá 11:00 til 16:00 í húsnæði Stórkaups

Skútuvogi 9, 104 Reykjavík, fimmtudaginn 20. mars.

Hlökkum til að sjá þig,

Starfsfólk Stórkaups

Bartenders Choice Awards (BCA) hafa skipað sér stóran sess meðal barþjóna og veitingamanna síðustu ár.

Tilnefningar fóru fram á barnum GilliGogg við Austurstræti 12A í Reykjavík, sunnudaginn, 12. janúar s.l.  Sjá nánar hér.

Verðlaunin verða veitt á hátíðarkvöldverði Bartenders’ Choice Awards þann 24. mars í Stokkhólmi, Svíþjóð.

BCA fréttayfirlit hér.

Heimsmeistarakeppnin í kjötskurði fer fram í París dagana 30. -. 31 mars 2025. Nemakeppnin „World champion butchers apprentice“ og ungliðakeppnin „Young butcher“ fara fram 30. mars og landsliðin keppa 31. mars.

Keppnirnar verða haldnar þar sem Ólympíuleikarnir fóru fram og verður í einni af höllunum sem notaðar voru á Ólympíuleikunum.

Íslenska landslið kjötiðnaðarmanna keppir fyrir Íslands hönd.

Keppnisfyrirkomulagið er þannig að í hverju liði eru 6 keppendur og á hvert lið að úrbeina 1/2 naut, 1/2 svín, 1/1 lamb og 5 kjúklinga og setja upp glæsilegt hlaðborð með öllum vörunum á 3 klst. 15 mín.

Dómarar mega spyrja alla meðlimi í landsliðinu spurningar á meðan keppnin stendur yfir, t.a.m. er auðvelt að elda vörurnar, hvaða eldunaraðferðir og eldunartímar eru fyrir vörurnar o.fl.

Það eru 15 lönd sem taka þátt á næsta ári, sem eru : Ástralía, Belgía, Brasilía, Kanada, Frakkland, Þýskaland (ríkjandi heimsmeistari), Bretland, Ísland, Írland, Ítalía, Nýja Sjáland, Portúgal, Rúmenía, Spánn og Bandaríkin.

Hráefnið sem að íslenska liðið notar í keppnina er að mestu leyti frá Frakklandi.

Meðlimir í landsliðinu eru:

Jón Gísli Jónsson – Kjötkompaní og fyrirliði.
Dominik Przybyla – Esja gæðafæði.
Guðmundur Bílddal – Esja gæðafæði.
Davíð Clausen Pétursson – Ferskar kjötvörur.
Hermann S. Björgvinsson – Ali matvörur
Benedikt Þorvaldur Guðgeirsson Hjarðar – BG kjötafurðir

English below!

Elite Bartenders’ Course er aftur komið á dagskrá og gefur lengra komnum barþjónum einstakt tækifæri til að dýpka þekkingu sína og færni.

Námskeiðið er skipulagt af International Bartenders Association (IBA).  Námið er æðsta menntunarstig sem barþjónar geta fengið hjá samtökunum.

Næsta námskeið fer fram í Albufeira, Portúgal, dagana 13. – 24. apríl. Þar fá þátttakendur innsýn í ýmsa þætti sem einkenna barþjónustuna í fremstu röð, þar á meðal:

Vísindalega blöndunarfræði – ,,Molecular Mixology“
Bar rekstrarfræði
Kaffi notkun á bak við barinn
Vínfræði
Sjálfbærni á bak við barinn
Markaðsfræði á bak við barinn
Og margt fleira…

Að námskeiði loknu fá nemendur alþjóðlega viðurkennda diplómu ásamt hinu virtu Eagle Award merki (Arnar nælan).

Verð og skráning

Innifalið í námskeiðsgjöldum er gisting og mat á Auramar Beach Resort í Albufeira:

Meðlimir Barþjónaklúbbs Íslands: 1.500 evrur (+ flug)
Almennt verð: 3.000 evrur (+ flug)

Nánari upplýsingar má finna á heimasíðu IBA með því að smella hér.

Meðlimir Barþjónaklúbbs Íslands geta skráð sig með því að senda tölvupóst á [email protected].

Ekki meðlimur? Engar áhyggjur! Þú getur gengið í klúbbinn með því að smella hér.

English

Mynd: iba-world.com

Hollywood leikarinn og frumkvöðullinn Mark Wahlberg hefur verið tilkynntur sem aðalræðumaður á Restaurant Leadership Conference 2025 (RLC), sem haldin verður 13.–16. apríl í Phoenix, Arizona.

Wahlberg, sem er meðstofnandi veitingastaðakeðjunnar Wahlburgers ásamt bræðrum sínum, Paul og Donnie, mun deila innsýn sinni í leiðtogahæfni, nýsköpun og frumkvöðlastarfsemi.

Hann mun ræða 13 ára ferðalag þeirra við að byggja upp Wahlburgers og fjalla um áskoranir og sigra sem fylgja því að reka fjölskyldurekinn veitingastað.  Auk þess mun hann kynna nýjustu þróun hjá Wahlburgers, þar á meðal stækkun til Púertó Ríkó, ný samstarfsverkefni í Las Vegas og fyrstu staðsetningu þeirra í Oklahoma.

Mynd: wahlburgers.com

WineTech, stærsta viðskiptasýning víngeirans á suðurhveli jarðar, snýr aftur árið 2025 og verður haldin í Adelaide Convention Centre dagana 21.–23. júlí. Þessi þríæringur (haldin á þriggja ára fresti) býður birgjum tækifæri til að kynna nýjungar sem auka getu og samkeppnishæfni ástralskra vínframleiðenda.

Adelaide er höfuðborg Suður-Ástralíu og er staðsett á suðurströnd Ástralíu.  Borgin er þekkt fyrir víngerðarsvæði sín í grenndinni, eins og Barossa Valley, McLaren Vale, og Adelaide Hills, sem eru meðal frægustu vínræktarsvæða landsins.

Nánar á: winetech.com.au