Óskar Atli sigraði með heimagerða Grísa-loku

Óskar Atli Gestsson, Adda Þóra Bjarnadóttir og Konráð Vestmann Þorsteinsson meðlimur í Klúbbi Matreiðslumeistara

Á Local Food hátíðinni sem fram fór í Íþróttahöllinni á Akureyri nú um helgina var skemmtileg Samlokukeppni. Keppnisfyrirkomulagið var að keppendur máttu koma með allt tilbúið og settu saman þrjár samlokur á keppnisstað.

Keppendur voru:

• Team Landflutningar
• Aníta- Hlöllabátar
• Fabrikkan
• Óskar Atli Gestsson

Það var síðan Óskar Atli Gestsson sem sigraði með heimagerða Grísa-loku og til aðstoðar var Adda Þóra Bjarnadóttir.

Verðlaunasamlokan.
Rifin Dead Ringer Grísa-Loka

Óskar var með greinagóða lýsingu á samlokunni sem við birtum hér með góðfúslegu leyfi hans.

Rifin Dead Ringer Grísa-Loka

• Brauðið er gert úr heimalöguðum Dead Ringer Indian Pale Ale og afgangs korni úr brugginu.
• Rifinn Grís sem var hægeldaður við mjög lágan hita í rúmar 12 klukkustundir, svissaður skallot laukur og BBQ sósa.
• Kryddaður sýrður rjómi og heilsutómatar, gúrka, heimaræktað fjólublátt grænkál ásamt heimalöguðum mozarellaosti.
• Skreytingin er grænkálsblað með heilsutómötum ásamt rifnum mozarellaosti og olíu dressingum með chilli, hvítlauk og múskat.
• Heimabruggaður Dead Ringer IPA bjór sem notaður var í baksturinn til að skola bitanum niður.

© Óskar Atli Gestsson

Dómarar í Samlokukeppninni: Davíð Rúnar Gunnarsson Viðburðarstofu Norðurlands, Bjarni Sigurðsson Mat og Mörk, Birgir Snorrason Kristjánsbakarí, Snæbjörn Kristjánsson Klúbbi Matreiðsumeistara.

Myndir: Kristinn