Opna kaffihús á tveimur stöðum í miðbæ Reykjavíkur

Frá undirritun samnings.
Björn Steinar Pálmason, fjármálastjóri Listasafns Íslands og Eva Michelsen, stofnandi Eldstæðisins fyrir framan kaffihúsið á Fríkirkjuvegi.

Nú fyrir stuttu gerði Eldstæðið samning við Listasafn Íslands og þar sem þau munu sjá um veitingar fyrir Safnahúsið á Hverfisgötu 15 og Listasafn Íslands á Fríkirkjuvegi 7.

„Við munum bjóða upp á klassískar íslenskar kaffiveitingar og léttan hádegismat á opnunartíma safnsins (10-17 alla daga vikunnar á sumrin), síðast en ekki síst munum við bjóða upp á þau matvæli sem frumkvöðlarnir okkar í Eldstæðinu eru að framleiða.

Það verður því auðveldara fyrir áhugasama að nálgast allar vörurnar á einum stað og styðja við okkar frábæru matarfrumkvöðla.“

Segir Eva Michelsen, stofnandi Eldstæðisins.

Sjá einnig:

Eldstæðið – Atvinnueldhús fyrir matarfrumkvöðla og smáframleiðendur opnar í sumar

Kaffihúsið hefur fengið heitið „Michelsen kaffi“ og verður rekið af Evu og systkinum hennar.

Um Eldstæðið

Eldstæðið er í stuttu máli atvinnueldhús fyrir matarfrumkvöðla og smáframleiðendur sem byggir á deilihagkerfi.

Um er að ræða fullvottað eldhús með öllum helstu tækjum og tólum til matvælaframleiðslu, kæli- og þurrlager, skrifstofuaðstaða, fundaraðstaða og góður félagsskapur meðal matvæla unnenda.

Hér er listi yfir framleiðendur sem hafa notið aðstöðu Eldstæðisins og tengingar á Facebook og/eða heimasíður þeirra:

• ANNA MARTA – Hagkaup, Matarbúr Krónunnar, Fiskikóngurinn, Gott og blessað ofl. sölustaðir
• Arctic Pies – Gegnum Facebook og fleiri söluleiðir í vinnslu
• BAO BAO BUNS & MORE – Gegnum Facebook
• BumbuBorgarar – Matarvagn sem flakkar milli vinnustaða og mætir í einka samkvæmi
• Bökum Saman – Hagkaup í Garðabæ og Skeifunni ásamt Facebook síðu
• Ella Stína – Melabúðin, Sælkerabúðin Bergsson, Gott og Blessað ofl. sölustaðir
• Gamli bakstur – Flatkökur, sunnudagsflatkökur, kleinur og laufabrauð sem fást í Hagkaup
• Hlynur kokkur – Veisluþjónusta – nánar á Facebook síðu
• KAKÓA – Hagkaup og gegnum Facebook síðu
• KETÓ eldhúsið – Flestar Nettó verslanir og vefverslun Nettó
• KOLACHE – Bein sala gegnum Facebook og Instagram
• Krúttís – Ís með lágu nikkel innihaldi fyrir þá sem eru með nikkel ofnæmi
• Lamb Street Food – Eru með veitingastað á Granda og í vöruþróun í Eldstæðinu
• Michelsen Konfekt – Bein sala gegnum Facebook
• Silfurhraun – Chili olía
• Smari´s Volcano Sauce – BBQ sósur og Hot sauce
• SVAVA sinnep – Hagkaup, Melabúðin, Gott og Blessað ofl. sölustaðir
• Sæhrímnir Sausages – Breskar pylsur
• Sælkerabúðin BERGSSON – Sælkerabúðin Bergsson Óðinsgötu 8b
• The Grumpy Whale Hot Chocolate – Matarbúr Krónunnar, Veganbúðin og vefsala
• Vegangerðin – Eru ekki komin í almenna sölu en hægt að fylgjast með á Facebook
• Yummy – Bein sala gegnum Facebook síðu

Smelltu hér til að sjá listann af framleiðendum á vef Eldstæðisins.

Eftirfarandi framleiðendur eru svo væntanlegir:

• Emmson sveppir – ferskir sveppir
• Minnsta kaffihúsið – Ofur smá piparkökuhús og fleira góðgæti
• Picnic Stories – Matarkörfur (Picnic baskets) fyrir allskonar viðburði
• Sjávarbúrið – Tilbúnir fiskréttir
• Sveita jerky – Þurrkað nautakjöt

Mynd: aðsend