Nýrnajafningur

Nýru.
Mynd: wikipedia.org

600 gr. hreinsuð nýru (kálfa, svína eða kindanýru), 50 gr. smjörlíki., salt, pipar, 3 dl. mjólk, l 1/2 dl. rjómi, 40 gr. hveiti, 2 msk. sherry eða madeira.

Skerið nýrun í fremur þykkar sneiðar og leggið þau í bleyti í mjólkurblöndu litla stund. Þerrið þau og skerið í littla bita. Brúnið þá í smjörlíkinu og stráið síðan salti, pipar og hveiti yfir þá á pönnuna.

Hellið á þá mjólk og síðan rjóma. Látið malla í 15 mín. Bætið vín út í síðast.

Uppskrift þessi er úr hefti Húsmæðraskólans Ósk
Húsmæðraskólinn Ósk
Á Ísafirði var rekinn húsmæðraskóli frá árinu 1912 og óslitið til 1989. Frumkvöðull og stofnandi skólans var Camilla Torfason með dyggum stuðningi Kvenfélagsins Óskar. Húsmæðraskólinn Ósk sameinaðist síðan Iðnskólanum og Menntaskólanum á Ísafirði í Framhaldsskóla Vestfjarða.