Nýr Kore staður í Kringlunni

Þann 1. maí opnaði nýtt veitingasvæði í Kringlunni og ber það nafnið Kringlutorg.  Kore er einn af þeim stöðum sem opnaði á Kringlutorgi, en aðrir staðir eru Fjárhúsið, Halab Kebab, Jömm og Tokyo Sushi.  Kringlutorg er staðsett uppi á 3. hæð hjá Stjörnutorgi, á svæðinu þar sem Kaffi Klassík var í.

„Það er óhætt að segja að ævintýrið haldi áfram. Móttökunar hafa enn og aftur farið langt fram úr okkar væntingum. Og margir ánægðir með að nú sé hægt að nálgast KORE víða.“

Sagði Atli Snær eigandi Kore, í samtali við veitingageirinn.is aðspurður um hvernig hefur gengið frá opnun staðarins.

Matseðillinn er sá sami á Kore í Mathöllinni Granda:

„Við höfum bætt við Korean Fried Chicken Burger og Tteokbokki“

Sagði Atli að lokum.

Kore býður uppá kóreskan götumat tacos, kimchi, steikt blómkál, kóreskan kjúklingaborgara ofl.

Myndir: facebook / korervk