Michelin kokkurinn Benoît Violier fannst látinn á heimili sínu

Fransk-sviss­neski stjörnu­kokk­ur­inn Benoît Vi­olier fannst lát­inn á heim­ili sínu í Sviss í gærdag. Vi­olier, sem rak hið fræga veit­inga­húsi Restaurant de l’Hotel de Ville, sem hafði hlotið þrjár Michel­in-stjörn­ur. Lög­regl­an tel­ur að Vi­olier hafi framið sjálfs­víg.

Lög­regl­an fór á heim­ili hans í Crissier þar sem líkið fannst. Talið er að hann hafi tekið eigið líf með skamm­byssu.

Crissier er skammt frá borg­inni Laus­anne í suðvest­ur­hluta Sviss þar sem veit­ingastaður Vi­olier er til húsa.

Restaurant de l’Hotel de Ville var val­inn besti veit­ingastaður í heimi í tíma­rit­inu La Liste, en þar var birt­ur listi yfir 1.000 veit­ingastaði í 48 lönd­um.

Lög­regl­an rann­sak­ar nú málið, en seg­ir að ekki verði gefna frek­ari upp­lýs­ing­ar um málið að svo stöddu af virðingu við fjöl­skyldu hins látna.