Matreiðslunámskeið með Sigga Helga Bocuse d´Or keppanda fyrir Íslands hönd 2015

Sigurður Helgason

Eftir langan og strangan undirbúning hefur Siggi lokið keppni í stærstu einstaklings matreiðslukeppni heims: Bocuse d’Or.  Þar lenti hann í 8. sæti sem er frábær árangur.  Mikil þjálfun liggur að baki við að uppgötva nýja tækni, bragðsamsetningar og upplifun.

Nú gefst kostur á að eyða kvöldstund með honum og hans teymi í eldhúsinu í Grillinu og læra af meisturunum. Námskeiðið endar á kvöldverði þar sem afraksturinn verður borinn á borð í Grillinu ásamt sérvöldum vínum með hverjum rétti.  Námskeiðið verður haldið þann 9. mars kl. 17:00 og eru einungis 10 pláss á námskeiðinu.

Hefur þú eða makinn þinn meiri áhuga á að njóta afrakstursins en að læra meistarataktana? Þá er einnig í boði að slaka á í Mecca Spa og skella sér í nudd á meðan betri helmingurinn er í eldhúsinu. Mæta svo endurnærð/ur og njóta afrakstursins að loknu námskeiðinu með hópnum.

Verð 17.100 á mann, innifalið er: námskeið (eða aðgangur í spa og nudd), uppskriftamappa og kvöldverður með sérvöldum vínum.

Hafðu samband á [email protected] eða í síma 5259960 fyrir nánari upplýsingar og skráningu.

Mynd: Sirha

/Smári