LUX veitingar sendiherrar fyrir Henkelman vakúmpökkunarvélar

LUX veitingar og Umbúðir & Ráðgjöf hafa gert með sér samkomulag þar sem LUX veitingar taka að sér að vera sendiherrar fyrir Henkelman vakúmpökkunarvélar hér á landi.  Fyrstu vélarnar þegar verið settar upp hjá LUX veitingum, en veitingamönnum mun gefast kostur á að skoða vélarnar hjá Hinrik og Viktori og fá hjá þeim ráðgjöf varðandi Henkelman vakúmpökkunarvélar og notkun þeirra, auk þess sem vélar til einkanota verða til sölu hjá þeim félögum.

LUX veitingar tóku í notkun Boxer 52 vél frá Henkelman í byrjun október. Að sögn Hinriks hefur vélin gjörbreytt pökkunarferlinu, afköstin hafa margfaldast og þar af leiðandi sparast mikill tími sem nýtist til annarra verka.

Samúel framkvæmdastjóri hjá Umbúðum & Ráðgjöf segir að það sé mikið happ að fá eins hæfileikaríka og virta veitingamenn eins og þá Hinrik og Viktor til að koma að kynningarstarfi á Henkelman vakúmpökkunarvélum, en forsenda þess samstarfs séu þau gæði og vöruþróun sem Henkelman stendur fyrir.

Umbúðir & Ráðgjöf er í Gylfaflöt 4.
Sími 423 7900   –  [email protected]