Létt og loftkennt Ísey skyr Púff / Ísey skyr Púff – létt og loftkennd nýjung

Ísey skyr heldur áfram að gleðja skyrunnendur og kynnir nú spennandi nýjung sem á enga sína líka. Púff er létt og loftkennt skyr sem unnið er með nýrri framleiðsluaðferð en þar er lofti dælt í skyrið í sérstakri vél svo það blæs upp.

„Orðið púff var notað á 19. öld yfir hluti sem búið var að bólstra eða blása upp og fannst okkur tilvalið að gefa nýja Ísey skyrinu þetta skemmtilega nafn,“

segir Halldóra Arnardóttir, markaðs- og vöruflokkastjóri hjá MS.

Áferðin á nýja skyrinu er frábrugðin því sem fólk hefur vanist og kemur skemmtilega á óvart en það er bæði létt í munni og maga. Þrjár spennandi bragðtegundir koma á markað í einu og þær eru hver annarri betri: saltkaramella, kaffi og súkkulaði og jarðarber og límóna.

Ísey skyr Púff kemur í nýjum endurvinnanlegum umbúðum en dósin er úr þynnra plasti en áður, með pappahólk utan um og á henni plastlok í stað áloks sem var áður.

www.ms.is