Lauga-Ás opnar að nýju

Laugaás er fjölskyldufyrirtæki og rekið af feðgunum Ragnari Guðmundssyni og Guðmundi Kr Ragnarssyni. Fjölskyldan hefur rekið Laugaás frá upphafi, eða síðan í júní 1979.
Mynd: facebook / Veitingahúsið Lauga-ás

Veitingahúsið Laugaás hætti starfsemi þann 24. desember s.l., en Ragnar Guðmundsson matreiðslumeistari og eigandi Laugaás tilkynnti þetta í viðtali á Útvarp Sögu.

Nú er svo komið að því að dyr veitingastaðarins Lauga-Áss verða opnaðar að nýju næsta mánudag og í viku munu allar tekjur staðarins renna til Neistans – Styrktarfélags hjartveikra barna.

Feðgarnir Ragnar Guðmundsson og Guðmundur Kr. Ragnarsson matreiðslumeistarar og eigendur Laugaás.
Mynd: Sigurjón Ragnar Sigurjónsson ljósmyndari

Guðmundur Kristján Ragnarsson, sonur Ragnars segir í samtali við Vísi að viðbrögðin hafi komið föður sínum á óvart en greinilegt er að margir sjái á eftir staðnum.

„Hann var svo hissa hvað það voru margir sem voru drullufúlir með að hann væri að hætta.“

Visir.is fjallar nánar um málið hér.

Mynd: facebook / Veitingahúsið Lauga-ás