La Vita Bella 10 ára

Kallinn í brúnni
Ari Hallgrímsson, yfirmatreiðslumaður á La Vita Bella

Undirritaður var staddur fyrir norðan um daginn og átti þess kost að snæða kvöldverð í boði Bautamann, sem fulltrúi Freisting.is, vegna afmælis áðurnefnds staðar, og kemur hér á prenti hvernig sú heimsókn fór.

Á móti okkur tók Hallgrímur Arason annar af tveimum eigendum staðarins og bauð til sætis, það hefur verið lengi veitingarekstur í þessu húsnæði því forveri núverandi staðar var rekinn í 22 ár, en þar á ég við Smiðjuna sem opnaði árið 1977 um vorið, en á árinu 1999 fannst eigendum að Smiðjan væri hægt og bítandi að vaxa frá markaðinum og að það sem var vinsælast í eldamennsku á þeim tíma var ítalskt eldhús og eins og við manninn mælt var La Vita Bella fæddur sem eimitt heldur upp á stórafmæli um þessar mundir sem segir kannski að þeir Bautamenn hafi breytt á hárréttu augnabliki.

Nýlega varð stækkun á salarkynnum staðarins en margir muna eftir sjoppunni sem var á þeirri hlið er snéri út á götu, hún er farin og nú er kominn salur sem hægt er að loka frá aðalsalnum með öllum nútíma fundartækjum og stækkar þetta staðinn um 20 sæti og fer í um 80 sæti alls, einnig hleypa gluggarnir inn birtu sem lýsir upp salinn sem er bara af hinu góða.

Nú kom þjónustustúlkan með heimabakað brauð og ólífumauk og var það upphaf að neðangreindum matseðli:

Beikonvafðir sniglafylltir sveppahattar með hvítlaukssmjöri og Parmasan osti
#
Nauta carpaccio með salati, furuhnetum sítrónu og ólífolíu
#
Tagliatelle og humar í koníaksbættri Humarsósu með grænmeti
#
Steiktur Saltfiskur ( bacaloo ) með papriku og villisveppasósu
#
Heit súkkulaðikaka með blautum kjarna borinn fram með ávöxtum og heimalöguðum Vanilluís

Það sem ég tók eftir er brauðið kom á borðið var að smjörið var borið fram á brauðendum en ekki í skál, og fannst mér það frábær hugmynd.

Maturinn smakkaðist alveg prýðilega, engar flugeldasýningar eða túristayfirbragð heldur þessi góði mömmu fílingur, hárrétt soðið pasta, afburða carpaccio, mild og tær brögð sem öll tengjast Ítalíu á einhvern hátt.

Óskum við á Freistingu.is þeim La Vita Bella mönnum til hamingju með afmælið og ósk um gott gengi í framtíðinni.

/Sverrir