Ísland lenti í 3. sæti á Ólympíuleikum matreiðslunema

Kristvin Þór Gautason og Halldór Hafliðason

Ísland lenti í 3. sæti á Ólympíuleikum matreiðslunema sem haldnir voru nú í vikunni, sem er besti árangur Íslands í keppninni.  Úrslitin voru kynnt rafrænt nú rétt í þessu á Youtube.

Það var Halldór Hafliðason sem keppti fyrir hönd Íslands og honum til aðstoðar voru Kristvin Þór Gautason og Dagur Gnýsson.

Úrslit urðu:

Grand trophy – 1. til 10. sæti
1. sæti – Ítalía
2. sæti – Singapore
3. sæti – Ísland

Plate trophy – 11. til 20. sæti
1. sæti – Armenía

Sérstök verðlaun

Ísland fékk sérstök verðlaun fyrir:

Best hygiene and kitchen practice eða besta hreinlætið í eldhúsinu.

Ambassadors, stutt ritgerð um Halldór sem fjallar um hvernig matreiðsla hefur bætt lífið og gefið honum bjarta framtíð. Lesa ritgerðina hér.

Íslenska liðið.
F.v. Dagur Gnýsson, Kristvin Þór Gautason og Halldór Hafliðason

Þjálfari var Ægir Friðriksson matreiðslumeistari og kennari í Hótel-, og matvælaskólanum.

Ólympíuleikarnir fóru fram rafrænt en keppnin hefur venjulega verið haldin á Kolkata á Indlandi áður en kórónuveiran kom til sögunar.  Keppnisaðstaða Halldórs var í Hótel-, og matvælaskólanum í Kópavogi.  Er þetta í fimmta sinn sem að Ísland tekur þátt í Ólympíuleikunum.

Undanúrslit

Undanúrslitin fóru fram á mánudaginn og þriðjudaginn s.l. og tóku alls 50 lönd þátt í keppninni.  Tuttugu lönd komust í úrslit og úrslitakeppnin virkaði þannig að tíu lönd kepptu um “Grand trophy“ sem er 1.-10. sætið og “Plate trophy” sem er 11.-20. sætið.

Halldór keppti á mánudeginum þar sem hann fór í gegnum hæfnispróf með því að framkvæma ákveðna skurði (Julienne, Brunoise, Jardiniere, Paysanne og Macedoine) og eldaði síðan fyllt pasta með sósu og í eftirrétt Crème caramel með ávaxtasósu.

20 lönd komust áfram og var Ísland þar á meðal í flokki Grand trophy.

Úrslit

Úrslitakeppnin var haldin í gær föstudaginn 4. febrúar og þar stóð Halldór sig frábærlega.

Kjúklingur
skjáskot úr beinni útsendingu

Halldór eldaði kjúklingarétt fyrir fjóra sem var pönnusteikt kjúklingabringa, kjúklingarúlla, sæt kartöflubolli með linsubauna ragú og tuille og soðgljái með kúrbít og tómötum.

Nota þurfti að minnsta kosti 50 prósent af eftirfarandi hráefnum:

Eftirréttur
skjáskot úr beinni útsendingu

Því næst gerði Halldór eftirrétt sem var þeytt súkkulaðimús með súkkulaðiskrauti, möndlu og aprikósukaka, appelsínubáta og appelsínumarmelaði.

Nota þurfti eftirfarandi hráefni:

Tímarammi var rúmlega 2 klukkustundir.

Keppni lokið og því ber að fagna

Dagur Gnýsson sá einnig um að sýna alla keppnina frá Snapchat veitingageirans.

Fleiri fréttir frá Ólympíuleikum matreiðslunema hér.

Myndir: skjáskot úr beinni útsendingu, Ægir Friðriksson, Ólafur Sveinn Guðmundsson, skjáskot úr snapchat veitingageirans