Hafsteinn fluttur til Noregs

Búinn að skrifa undir samning varðandi nýju vinnuna mína …… bara huggulegt!!, sagði Hafsteinn Sævarsson á Facebook.com síðu sinni.  Hafsteinn er framreiðslumaður og hefur verið það til fjölda ára, en hann sagði skilið við þjónastarfið fyrir nokkrum árum og hóf störf hjá A. Karlssyni.

Aðspurður um hvaða vinnustað hann væri að gera samning við:  ég var að gera samning við fyrirtæki sem heitir Matec, sem er samskonar fyrirtæki og A. Karlsson var, en ég verð sölumaður í stóreldhúsdeildinni hjá Matec.

Matec er í Stavanger í Noregi og er staðsett ekki langt frá hótelinu þar sem Ofurborgarinn (Þröstur Magnússon) er yfirmatreiðslumaður á.

Hafsteinn er alveg fluttur til Noregs með fjölskyldunni og búa þau nú í Sandnes sem er í ca. 15 mínútur fjarlægð frá Stavanger.

/Smári

Mynd af Facebook síðu Hafsteins, birt með góðfúslegu leyfi hans.