Hafsteinn flottur í viðtali hjá Ísland í Dag

Hafsteinn Ólafsson

Hafsteinn Ólafsson sem sigraði eftirminnilega í keppninni Kokkur ársins 23. september s.l. í Flóa í Hörpu, var í gær í skemmtilegu viðtali í þættinum Ísland í Dag.

Hafsteinn er metnaðarfullur matreiðslumaður og hefur keppt í fjölmörgum keppnum, verið aðstoðamaður Sigurðar Helgasyni í Bocuse d´Or 2013. Hafsteinn er meðlimur í Kokkalandsliðinu en liðið kemur til með að keppa á Heimsmeistaramóti landsliða í matreiðslu í Lúxemborg í nóvember 2018.

Kokkalandsliðið 2017.
Hafsteinn Ólafsson er hér lengst til hægri í fremstu röð.
Kokkalandsliðið er að hefja undirbúning fyrir Heimsmeistaramót landsliða í matreiðslu sem haldið verður í Lúxemborg í nóvember 2018 og framundan er strangt og skemmtilegt æfingaferli.

Hafsteinn hefur starfað á veitingastöðunum Grillinu á Hótel Sögu, Cava, Apótekinu Grill, Ion Hótelinu og nú á Sumac svo fátt eitt sé nefnt.

Hafsteinn hefur keppt í Kokkur ársins í fjögur skipti, verið í 2. sæti þrisvar sinnum og 1. sæti í Kokkur ársins 2017 sem var svo sannarlega verðskuldað.

Þáttinn Ísland í Dag er hægt að horfa á með því að smella hér.

Myndir: Sveinbjörn Úlfarsson