Grillmarkaðurinn fær sögufrægan ítalskan gestakokk til landsins

Giulio Debeni, yfirkokkur Bottega del Vino

Grillmarkaðurinn býður til sérstakrar veislu dagana 25., 26. og 27. september þegar sögufrægi ítalski veitingastaðurinn Bottega del Vino frá Verona stígur á svið í þriggja daga pop-up viðburði.

Bottega del Vino var stofnaður á 15. öld og hefur alla tíð verið einn helsti vettvangur hefðbundinnar ítalskrar matargerðar. Veitingastaðurinn er jafnframt þekktur fyrir stórbrotinn vínkjallara sem laðað hefur að sér vínunnendur víða að úr heiminum.

Í eldhúsinu á Grillmarkaðnum verður gestakokkurinn Giulio Debeni, ungur yfirkokkur Bottega del Vino. Hann sameinar djúpar rætur í ítalskri hefð við ferska og skapandi sýn sem hann hefur mótað í Verona. Fyrir tilefnið hefur Giulio sett saman fimm rétta matseðil sem fangar anda ítalskrar matargerðar í nútímalegu ljósi.

Til að fullkomna upplifunina mun Chiara frá hinni virtu Zenato-víngerð leiða gesti í gegnum vínpörun með völdu úrvali hússins. Zenato var stofnað árið 1960 við strendur Garda vatns og er meðal þekktustu fjölskylduvíngerða Veneto-héraðsins. Þau hafa hlotið heimsfrægð fyrir Amarone della Valpolicella ásamt fáguðum Lugana hvítvínum, og endurspegla vínin bæði hefðir og menningu svæðisins.

Um er að ræða einstakt tækifæri til að upplifa bragð og menningu Verona, fært beint til Reykjavíkur af þeim sem þekkja það best. Takmarkað sætaframboð er í boði og því er ráðlagt að bóka tímanlega til að tryggja sér sæti á þessum ógleymanlega viðburði.

Gestum stendur til boða glæsilegur fimm rétta matseðill á 14.490 kr., þar sem ítölsk hefð og nútímaleg nálgun mætast í hverjum rétti.

Antipasti
Sætt og súrt ítalskt kjúklingasalat með kapers og furuhnetum

Primi I
Gnocchi með gorgonzola

Primi II
Amarone risotto með nautakinnum

Secondi
Fiorentina steik með kartöflum og blönduðu grænmeti

Dolci
Tiramisu della Bottega Vini