Fyrsta borgin í heiminum til að banna kjötauglýsingar

Haarlem er fyrsta borgin í heiminum til að banna kjötauglýsingar í opinberum stöðum, í þeirri viðleitni að draga úr kjötneyslu og losun gróðurhúsalofttegunda.

Eftir 2024 verða auglýsingar á kjöti bannaðar í rútum, skýlum og skjáum í almenningsrýmum í bænum Haarlem sem staðsettur er í um 17 kílómetra fjarlægð frá Amsterdam.  Í Haarlem eru 160 þúsund íbúar.

Tillagan var samin af GroenLinks sem er stjórnmálaflokkur í umhverfismálum í Haarlem, en með þessari aðgerð er áætlað að stuðla að samdrætti í losun gróðurhúsalofttegunda. Nýleg rannsókn sýnir að langstærsta orsök loftslagsbreytinga er gríðarleg neysla okkar á kjöti ofl.

Ziggy Klazes, ráðherra úr umhverfisflokknum, sagði meðal annars í Haarlem105 útvarpsstöðinni:

„Við erum ekki að banna íbúum að baka og steikja í sínu eigin eldhúsi; ef fólk vill halda áfram að borða kjöt, þá er það í lagi… Við getum ekki sagt fólki að það sé loftslagskreppa og hvatt það til að kaupa vörur sem eru hluti af málstaðnum.“

Klazes sagðist vona að framtakið verði einnig í öðrum borgum.

Þessi umdeilda ákvörðun hefur verið gagnrýnd af öðrum stjórnmálaflokkum og kjötgeiranum, en talsmaður kjötgeirans sagði: „Yfirvöld ganga of langt í að segja fólki hvað sé fyrir bestu.“

Auglýsingapláss

Verður þetta fyrsta borgin af mörgum til að banna kjötauglýsingar á almennum vettvangi og mun það hafa áhrif?

Mynd: úr safni