Frederiksen Ale House – Á horni Naustin og Tryggvagötu í Reykjavík | Veitingarýni

Staðurinn býður upp á klassískan kráarmat með eigin séreinkennum, ásamt góðu úrvali af bjór. Ég skellti mér þar inn eitt hádegið, til að upplifa þeirra útgáfu af klassískum kráarmat og hér kemur útkoman úr þeirri heimsókn:

Grilled Bratwurst Sausages
German quility sausages, pickles, chili mayo and mustard

Þjónninn sagði mér að Kjötsmiðjan lagar þessar pylsur fyrir þá og eiga þeir hrós skilið, því þær voru svakalega góðar, meðlætið var frekar óspennandi. Með þýskum pylsum þá er haft þýskt husmandssinnep sem fæst á Íslandi sem Taffel eða Slotts, einnig myndi ég hafa súrar smágúrkur með og skál af súrkáli þá er þetta orðinn ekta þýskur réttur.

Slow Cooked Lamb Shank
Slow-cooked in stock and „White Ale“ over night, mashed potatoes, feta cheese, honey glazed red onions, carrots and lamb-beer-sauce

Þetta er sennilega sá albesti skanki sem ég hef borðað, kartöflumaukið frábært, grænmetið sælgæti, sósan góð og brosti maður aftur á hnakka af ánægju. Ein smá ábending en mér fannst skammturinn helst til stór, eflaust hefðu margir ekki trúað að þessi orð kæmu úr munni mínum og sú er nú staðreyndin og gat ég ekki klárað diskinn.

Þegar hér var komið var ég orðinn mettur og þakkaði ég fyrir mig og skundaði út í veðurblíðuna með bros á vör.