Frakkar sigruðu Bocuse d’Or 2025 – Sindri Guðbrandur í 8. sæti

Sindri Guðbrandur Sigurðsson

Sindri Guðbrandur Sigurðsson keppti fyrir hönd Íslands í virtu Bocuse d´Or keppninni sem haldin var í Lyon í Frakklandi dagana 26. og 27. janúar 2025.  Aðstoðarmaður Sindra var Hinrik Örn Halldórsson.

Úrslitin voru tilkynnt í dag kl. 17.00 á íslenskum tíma við hátíðalega athöfn, en tuttugu og fjórar þjóðir kepptu til úrslita eftir að hafa unnið til þess í forkeppni í sinni heimsálfu.

Það var Frakkland sem hreppti 1. sætið, Danmörk í 2. sæti og Svíþjóð í 3. sæti.  Sindri Guðbrandur náði 8. sæti.

Sérstök verðlaun voru veitt í keppninni:

Besta aðstoðarmanninn: Frakkland

Besta fiskréttinn:  Noregur

Besta kjötréttinn:  Ungverjaland

Besta samfélagslega ábyrgð: Nýja-Sjáland

Hráefnið sem keppendur þurftu að elda úr var humar, barri, sellerí og sellerírót á silfur fat og svo kynnt fyrir dómurum á disk og kjötfat þar sem aðal hráefnið var dádýr, andalifur og ávaxta meðlæti.

Sindri  hafði 5 ½ klukkustund til þess að matreiða fiskrétt og kjötrétt fyrir 24 dómara.  Afraksturinn var sannkallað listaverk og var annars vegar borinn fram á fallegum diskum og hins vegar á glæsilegu silfurfati. Allt gekk samkvæmt áætlun og voru Sindri, Hinrik aðstoðarmaður hans og Sigurjón þjálfari að vonum hæstánægðir með úrslitin.

Sjá einnig: Sjáðu keppnisrétti Sindra hér – Myndir

Góður árangur Íslenskra keppenda í Bocuse d´Or

Keppnin Bocuse d‘Or hefur verið haldin síðan 1987 en fyrsti íslenski keppandinn tók þátt árið 1999. Það var Sturla Birgisson og náði hann fimmta sæti. Síðan þá hafa Íslendingar ávallt verið í tíu efstu sætunum en bestum árangri náði Hákon Már Örvarsson árið 2001 og Viktor Örn Andrésson árið 2017 náðu þeir báðir í bronsverðlaun.

Viktor Örn Andrésson í sérlegri Bocuse d´Or nefnd, Sigurjón Bragi Geirsson þjálfari, Sindri Guðbrandur Sigurðsson Bocuse d´Or kandítat, Hinrik Örn Halldórsson aðstoðarmaður Sindra og Þráinn Freyr Vigfússon dómari fyrir hönd Íslands

Góð stemmning var á áhorfendapöllunum í keppninni

Heildarstigin

Íslenska liðið í heild sinni

Bocuse d´Or kandítat: Sindri Guðbrandur Sigurðsson

Aðstoðarmaður Sigurjóns var: Hinrik Örn Halldórsson

Aðstoðarmenn:
Sindri Hrafn Rúnarsson
Símon Kristjánsson Sullca
Hákon Orri Stefánsson

Þjálfari: Sigurjón Bragi Geirsson

Dómari í Lyon fyrir hönd Íslands var: Þráinn Freyr Vigfússon

Fleiri Bocuse d´Or fréttir hér.

Innilega til hamingju Sindri með glæsilegan árangur.

Myndir: Þráinn Freyr Vigfússon, bocusedor.com og skjáskot úr beinu útsendingunni.