Fóru í „stangveiði“ fyrir utan Kjötkompaníið í grenjandi rigningu

Þeir voru hressir strákarnir hjá Kjötkompaníinu þrátt fyrir hryssingslegt veður sem var nú í vikunni og virtust lítið láta rok og rigningu slá sig út af laginu eins og sjá má á meðfylgjandi myndum:

Skrunið niður til að horfa á myndband

Fagmennska í fyrirrúmi

(F.v.) Kristján Hallur Leifsson kjötiðnaðarmeistari, Örn Svarfdal matreiðslumeistari, Aðalsteinn Arnar Jóhannesson framreiðslumaður og vínþjónn (sommelier), Sigurður B. Sæmundsson kjötiðnaðarmeistari, Sveinbjörn Ingi Þorkelsson matreiðslumaður (bráðum meistari), Jón Örn Stefánsson matreiðslumeistari og eigandi.

Það má með sanni segja að það er fagmennska sem ræður ríkjum hjá Kjötkompaníinu, en hjá fyrirtækinu starfa matreiðslumeistarar, kjötiðnaðarmeistarar, matreiðslumenn og vínþjónn.

Kjötkompaní ehf. var stofnað í september árið 2009, við Dalshraun 13 í Hafnarfirði. Eigandi Kjötkompaní er Jón Örn Stefánsson matreiðslumeistari.

Kjötkompaní hefur komið sér hægt og rólega fyrir í veislubransanum, en fréttaritari hefur í gegnum tíðina spurt fólk hvernig þeim líkar maturinn sem pantað hefur veislu frá þeim og öll skiptin hafa þeir fengið toppeinkunn.

Veislumatseðlana er hægt að skoða með því að smella hér, sem eru virkilega vel settir upp, flottar og girnilegar myndir af veisluréttunum en boðið er upp á smárétti, tilbúnar veislur, jólahlaðborð, fermingaveislur svo fátt eitt sé nefnt.

Nautalund Wellington frá Kjötkompaníinu

Nautalund Wellington frá Kjötkompaníinu hefur slegið rækilega í gegn og um hver jól og áramót þarf að panta með góðum fyrirvara til að tryggja að hafa þessa ómissandi steik yfir hátíðirnar.

Í meðfylgjandi myndbandi sýna fagmennirnir hjá Kjötkompaníinu hvernig á að elda Wellington:

Myndir: Aðsendar og frá kjotkompani.is