Fjalakötturinn fær Wine Spectator Award fyrir vínlistann sinn

Fjalakötturinn, veitingahúsið á Hótel Reykjavík Centrum við Aðalstræti, fékk annað árið í röð viðurkenningu frá Wine Spectator fyrir vínlistann sinn – Wine Spectator Award of Excellence.
Fjalakötturinn var (og er enn) fyrsti og eini veitingastaðurinn á Íslandi sem fékk, að frumkvæði Stefáns Guðjónssonar vínþjóns, þessi verðlaun í fyrra, fyrir gott úrval vína og samræmi milli vínseðils og matseðils. Haldið var áfram í sömu línu eftir brotthvarf Stefáns og sótt um viðurkenningu víntímaritsins fræga, sem tilkynnti tilnefninguna fyrir stuttu.Listinn verður opinber í ágúst tölublaði Wine Spectator.