Falsaðir 10 þúsund króna seðlar í umferð

Seðlarnir eru frekar illa falsaðir

Nú síðustu daga hafa komið þrjú mál á borð lögreglunnar á Norðurlandi sem varða viðskipti aðila með falsaða 10 þúsund króna seðla.

Seðlarnir eru nú frekar illa falsaðir en samt sem áður geta svona seðlar farið fram hjá afgreiðslufólki og menn náð að svíkja út vörur og þjónustu, því miður, að því er fram kemur í tilkynningu frá lögreglunni.

Lögreglan vill beina til allra að vera á varðbergi gagnvart þessu. Ef ykkur grunar að seðill sé falsaður þá endilega hafið samband við við lögregluna í síma 444-2800 eða í gegn um 112.

Mynd: facebook / Lögreglan á Norðurlandi