Fagmenntun fyrir framtíðina – Opnað hefur verið fyrir umsóknir í Hótel- og matvælaskólann

Hótel og matvælaskólinn í Menntaskólanum í Kópavogi

Innritun stendur yfir frá 14. mars til 26. maí. Ekki er hægt að sækja um eftir að umsóknarfrestur er liðinn.  Svör við innritun berast 25. Júní 2025.

Innritað verður í eftirfarandi greinar ef næg þátttaka næst.

Bakstur.
Framreiðsla.
Matreiðsla.
Kjötiðn.
Matartæknanám.
Meistaranám.
Grunndeild matvæla og ferðagreina.

Allar innritanir í verknám þurfa að uppfylla inntökuskilyrði í námið. Ef umsóknir uppfylla ekki eftirfarandi skilyrði þá verður þeim hafnað.

Fyrir eftirfarandi greinar er sótt um í gegnum þennan link.

Bakstur.
Framreiðsla.
Matreiðsla.
Kjötiðn.

Sótt er um í gegnum island.is og það er hægt að fylgjast með stöðu umsóknarinnar inn á þessum sama link. Svör birtast þar eigi síður en 26. maí.

Inntökuskilyrði

Nemendur sem hyggja á iðnnám í hótel- og matvælagreinum verða að hafa virka ferilbók og starfa undir handleiðslu meistara. Til að geta innritast í viðkomandi bekk þurfa nemendur að hafa lokið ákveðinni lágmarksprósentu af ferilbókinni. Þessi prósenta er mismunandi eftir iðngreinum og bekkjum. Athugið að sækja þarf um skólavist á menntagatt.is þegar nemandinn á að koma í skólann.

Ferilbókin þarf að vera útfyllt með textum, myndum og myndböndum og hver liður sem neminn hefur lokið þarf að vera samþykktur af meistara.

Aðrar reglur gilda um nemendur sem eru á pappírssamningum.

Lágmarksprósenta útfyllingar í ferilbók til að innritast í bekki:

Matreiðsla og framreiðsla

1. bekkur: 30%
2. bekkur: 55%
3. bekkur: 80%

Bakstur og kjötiðn

1. bekkur: 45%
2. bekkur: bóklegur – ekki krafa um ákveðna prósentu ferilbókar
3. bekkur: 80%

Til að sækja um í meistaraskólann þá þurfa nemendur að skila inn afriti af sveinsbréfi. Fylgi það ekki með þá er umsókninni hafnað.