Eldur í nýju húsnæði Omnom

Rúður brotnuðu í hús­næði versl­un­arinnar Omnom á efri hæð Hólma­slóðar 4.

Nýtt hús­næði súkkulaðigerðar­inn­ar Omnom að Hólma­slóð 4 varð eldi að bráð í gær. Hús­næðið er á tveim­ur hæðum og verður fyr­ir­huguð verk­smiðja á þeirri neðri en versl­un á efri hæðinni. Eld­ur­inn hélt sig á efri hæð og bet­ur fór en á horfðist að sögn eig­anda.

Til stend­ur að opna verk­smiðjuna eft­ir um það bil tvo mánuði en hún verður mun af­kasta­meiri en nú­ver­andi verk­smiðja við Aust­ur­strönd. Fram­kvæmd­ir eru þó ekki mjög langt á veg komn­ar og ekki er búið að flytja vél­ar eða áhöld, að því er fram kemur á mbl.is.

Sjá einnig: Eldur að Hólmaslóð 4

Kjartan Gíslason

Að sögn Kjart­ans Gísla­son­ar, eins eig­anda Omnom, er ein­ung­is búið að leggja raf­magn og setja upp veggi á neðri hæð og eng­ar inn­rétt­ing­ar eru komn­ar í versl­un­ina á efri hæð.

Hann seg­ir eitt­hvað vatn hafa lekið niður á neðri hæðina en að öðru leyti slapp hún. Ekki er búið að leggja mat á um­fang tjóns­ins á efri hæðinni.

„Mér skilst að þetta sé ekk­ert veru­legt en það á eft­ir að fara bet­ur yfir þetta í dag,“

seg­ir Kjart­an í samtali við mbl.is.

Sjá einnig: Báðir eldarnir slökktir

Hann seg­ir frétt­ir af brun­an­um hafa verið áfall þar sem fram­kvæmd­ir hafa verið á fullu í nokkr­ar vik­ur.

„Ég hugsa þó að þetta muni ekk­ert tefja fram­kvæmd­irn­ar, efri hæðin leit frek­ar illa út. Það var búið að brjóta rúðuna og allt var svart þarna inni,“

seg­ir hann.

Stefnt er á að opna versl­un­ina á svipuðum tíma og verk­smiðjuna.

„Það verður alla­vega fyr­ir sum­arið. En við þurf­um að vera komn­ir með fram­leiðsluna inn áður en við get­um opnað,“

seg­ir hann.

Kjart­an hrós­ar þá slökkviliðinu sem hann seg­ir hafa brugðist hratt við.

„Þeir voru mætt­ir inn­an tveggja til þriggja mín­útna og brugðust mjög vel við þessu.“

Mynd af Hólmaslóð 4: skjáskot af google korti