Einn færasti barþjónn landsins hristir heimsklassa kokteila á Nielsen

Ásgeir Már Björnsson
Mynd: Instagram / mixmastrerflex

Það þarf vart að kynna Ásgeir Már Björnsson barþjón, en hann er einn af frumkvöðlum kokteilamenningar á Íslandi.

Ásgeir eða sem flestir þekkja undir nafninu Ási MixMastrer mun hrista og hræra heimsklassa kokteila á veitingastaðnum Nielsen á Egilsstöðum í allan júní.

Sumaropnun á Nielsen er sem hér segir, opið þriðjudaga til laugardaga frá 11:30-21:00 fram á haust.

Nielsen er staðsettur í miðbæ Egilsstaða
Mynd: facebook / Nielsen restaurant

Ási var veitingastjóri á Slippbarnum sem var opnaður samhliða Hótel Marina árið 2012 og braut ákveðið blað í kokteila menningu hér á landi, en þar tók hann kokteilana algjörlega á næsta level, en það sem áður þekkti í kokteilamenningunni hér á Íslandi.

Kokteilar frá Ása eru frumlegir og ögrandi, en Ási er einn færasti barþjónn okkar Íslendinga og vel þekktur í barsenu landsins. Hann hefur haft gríðarlega jákvæð áhrif á þróun kokteila á Íslandi, en hann hefur starfað meðal annars á Slippbarnum, Pablo Discobar og var driffjöðurinn í hátíðinni Reykjavík Bar Summit svo fátt eitt sé nefnt.

Ási hefur að undanförnum árum búið í Danmörku og starfað á frægum dönskum börum og veitingastöðum, t.a.m. Culture Box, Bobo Food Studio, Mikropolis Bar ofl.

Borðapantanir www.nielsenrestaurant.is