Aron Gísli sigraði í Arctic chef kokkakeppninni – Sjáðu myndir af verðlaunaréttunum

Aron Gísli Helgason

Allir keppendur hafa lokið keppni í Arctic Challenge sem haldin var á Strikinu á Akureyri í dag. Arctic Challenge er menningarviðburður á Akureyri sem sameinar matreiðslu og kokteilagerð í eina keppni.

Eins og kunnugt er þá sigraði Unnur Stella í kokteilakeppninni Arctic Mixologist, sem hægt er að lesa nánar um hér.

Alls kepptu 8 manns í Arctic chef kokkakeppninni og úrslit eru kunn. Það var Aron Gísli Helgason frá Brút restaurant sem sigraði í Arctic chef, en úrslitin voru eftirfarandi:

Guðmundur Sverrisson, Aron Gísli Helgason og Jón Birgir Tómasson

1. sæti – Aron Gísli Helgason frá Brút restaurant
2. sæti – Jón Birgir Tómasson frá Múlaberg
3. sæti – Guðmundur Sverrisson frá Múlaberg

Keppnisfyrirkomulagið hjá kokkunum var þannig að einu skilyrðin voru að keppandi væri búinn með sveinspróf eða búinn með námssamning. Keppandi skilaði inn köldum forrétt með fyrirfram ákveðnu hráefni og heitum aðalrétt, einnig með fyrirfram ákveðnu hráefni með 15 mínútna millibili.

Dómarar voru fjórir. Þrír sáu um blindsmakk og dæmdu m.a bragð, áferð, vinnu o.s.frv. Fjórði dómari var eldhúsdómari sem dæmdi m.a frágang, passaði að klæðnaður var viðeigandi o.s.frv.

Í dómnefnd voru:

Dómnefnd að störfum

Haraldur Már Pétursson – eigandi á Salatsjoppunni
Haukur Gröndal – Forstöðumaður eldhúsinu á SAK
Snæbjörn Kristjánsson – forstöðumaður eldhúsinu á Hrafnagili

Eldhúsdómari: Kristinn Frímann Jakobsson

Myndir af verðlaunaréttum

Aron Gísli Helgason

Jón Birgir Tómasson

Guðmundur Sverrisson

Fleiri Arctic Challenge fréttir hér.

Myndir: Ída Irene Oddsdóttir, viðburðarstjóri Arctic Challenge