Andri Viceman hefur störf hjá aha.is

Andri „Viceman“ Davíð Pétursson er framreiðslumeistari að mennt

Andri Davíð Pétursson aka Viceman framreiðslumeistari og barþjónn hefur hafið störf sem tengiliður veitingastaða hjá aha.is. Hjá aha.is mun Andri vinna náið með þeim veitingastöðum sem þegar eru í samstarfi og sömuleiðis kynna nýjum veitingastöðum fyrir þeim möguleikum sem í boði eru hjá aha.is.

Eins og fjallað hefur verið um hér á veitingageirinn.is þá er Andri með hlaðvarpsþætti Viceman þar sem rætt er við fólk úr veitingabransanum og sömuleiðis verið duglegur að halda pop-up viðburði á hinum og þessum veitingastöðum og börum og mun hann halda því ótrauður áfram.

Hver veit nema að einn daginn verði hægt að kaupa Viceman pop-up á aha tilboði?

„Veitingaþjónustan verður æ stærri hluti af markaðstorginu og því mjög mikilvægt að inn komi sterkur aðili eins og Andri Davíð, sem hefur áralanga reynslu af veitingamarkaðinum á Íslandi“

segir Helgi Már Þórðarson, annar eiganda aha.is

Aha.is er markaðstorg á netinu sem býður upp á fjölbreytta þjónustu fyrir veitingastaði og verslanir og má þar meðal annars nefna frábær tilboð eins og matarupplifun, gistingu eða aðra afþreyingu sem yfir 160 þúsund íslendingar hafa nýtt sér.

Mynd: viceman.is