Algjört ævintýri og smá vonbrigði – Niðurstaðan 8. sætið í Lyon

Þá er Bocuse d´Or ferlið búið þvílíkt ævintýri, mikill þroski að fara í gegnum þetta, margir veggir sem maður lenti á og þurfti að yfirstíga, ásamt gríðarlegum tíma sem var lagt í þetta.

Geng stoltur frá borði með það sem ég og teymið gerðum, þó allt hefði ekki gengið upp úti og við náðum ekki þeim markmiðum sem við settum okkur.

Teymið á þvílíkt hrós skilið fyrir fórnfýsina og tímann sem þeir lögðu í þetta, ég hefði ekki getað beðið um meira af þeim.

Vil aðallega þakka Flóra Guðlaugsdóttir fyrir allan stuðningin og skilningin sem hún sýndi mér þegar ég var í þessu ferli, hefði ekki getað þetta án hennar.

Einnig vil ég þakka Bocuse d´Or strákunum, fjölskyldu, vinum og Bocuse d´Or Team Iceland akademíunni fyrir trúna og stuðninginn á verkefnið.

Íslenska stuðningssveitin

Svo verð ég að gefa stuðningssveitinni sem mætti út að hvetja okkur risa stórt klapp, þvílíkt sem það heyrðist í Íslendingunum í stúkunni og var gjörsamlega trufflað, þetta var ógleymanlegt móment.

Ætla ekki að segja að þetta hafi verið síðasta keppnin en maður er ekkert að yngjast svo við sjáum til.

Bocuse d´Or mun alltaf fylgja mér núna og ég gæti ekki verið stoltari yfir því að hafa keppt fyrir Íslands hönd.

Sigurjón Bragi Geirsson

Höfundur er: Sigurjón Bragi Geirsson Bocuse d´Or kandítat 2023.