Fosshótel Vestfirðir óskar eftir að ráða öflugan yfirkokk

Fosshótel Vestfirðir

Fosshótel Vestfirðir óskar eftir að ráða öflugan yfirkokk til að sjá um rekstur eldhúss hótelsins. Yfirkokkur stýrir daglegum rekstri eldhússins og leiðir hóp starfsmanna og ber ábyrgð á hagkvæmum rekstri og velferð með ánægju starfsmanna og gesta að leiðarljósi.

Starfsvið

• Fagleg stjórnun, skipulagning og framkvæmd í eldhúsinu
• Matreiðsla, bakstur og framsetning
• Matseðlagerð fyrir veitingastað og hópa í samráði við hótelstjóra
• Sér til þess að veitingar standist gæðakröfur
• Ber ábyrgð á frágangi og geymslu á matvælum
• Ábyrgð á eftirliti með hreinlæti, GÁMES
• Umsjón með kostnaðareftirliti og verð- og framlegðarútreikninga framleiðslunnar

Hæfniskröfur

• Menntun sem tengist starfi æskileg
• Talsverð reynsla af sambærilegum störfum skilyrði
• Töluverð færni í samskiptum, jákvætt viðmót og rík þjónustulund
• Mikil krafa um frumkvæði, nákvæmni og skipulag í vinnubrögðum
• Öryggisvitund og þekking á GÁMES kostur

Húsnæði er í boði á staðnum

Vestfirðir eru þekktir fyrir stórbrotið landslag og ósnortna náttúru. Fosshótel Vestfirðir er fallega innréttað og glæsilegt þriggja stjörnu hótel á Patreksfirði. Þaðan er stutt í stórkostlegar náttúruperlur eins og Látrabjarg, Rauðasand og fossinn Dynjanda.

Lærðu meira um Fosshotel Vestfirði

Sótt er um starfið hér.