500 manna skötuveisla – Safnaðist tæp 8 milljónir – Myndir

„Við erum 500 manns sem gengum glöð í bragði af Skötumessunni út í júlínóttina eftir ótrúlegt kvöld.“

Skrifar Ásmundur Friðriksson þingmaður og einn af skipuleggjendum á facebook, en hin árlega Skötumessa var haldin í Gerðaskóla Garði 19. júlí sl.

Boðið var upp á skötu, saltfisk, plokkfisk, hamsatólg og margt fleira.

Kokkar kvöldsins, f.v. Theodór, Ása Hrönn yfirskötukokkur, Sævar Þorkell, Ævar Ingi, Sigríður og Guðlaugur Helgi.

Ágóði af sölu, sem var 7.720.000, fór í eftirfarandi styrki:

Samhjálp, Björgin, Nes, Miðstöð Símenntunar, Víðir svo fátt eitt sé nefnt. Á skemmtidagskrá Skötukvöldsins komu fram; Davíð og Óskar, Páll Rúnar Pálsson, Jón Ragnar Ríkharðsson, Guðni Einarsson ræðumaður, Simmi,- Unnur og hljómsveit, Gospelkór Fíladelfíu.

Alls fór um 180 kíló af kæstri skötu, 50 kíló af saltfiski og 40 kíló af plokkfiski, ásamt tólg, rúgbrauði, kartöflum, rófum og smjöri. Það er mbl.is sem greindi fyrst frá.

Myndir: Ásmundur Friðriksson