Einfaldur kjúklingaréttur með rjómabearnaise

Kjúklingaréttur í rjómalagaðri bearnaisesósu

Hér er á ferðinni ótrúlega góður kjúklingaréttur í rjómalagaðri bearnaisesósu sem kemur skemmtilega á óvart.  Þennan er tilvalið að prófa við fyrsta mögulega tækifæri.

Einföld uppskrift dugar fyrir 4.

4 stk. kjúklingabringur
2 msk. smjör til steikingar
500 ml. matreiðslurjómi frá Gott í matinn
2 msk. dijon sinnep
4 tsk. estragon
4 tsk. bearnaise essens
2 msk. kjúklingakraftur (1 teningur)
sjávarsalt og nýmalaður svartur pipar eftir smekk

Tillaga að meðlæti

hrísgrjón, steikt eða ferskt grænmeti og heitt snittubrauð

Skref 1

• Hitaðu ofninn í 200°C.
• Brúnaðu kjúklinginn í smjöri á báðum hliðum.
• Kryddaðu með sjávarsalti og nýmöluðum pipar.
• Settu kjúklinginn í eldfast mót og bakaðu í 20 mínútur í ofni þar til hann er fulleldaður.

Skref 2

• Helltu matreiðslurjóma í djúpa pönnu, síðan sinnepi, estragoni, kjúklingakrafti og bernaise essens.
• Hitaðu upp að suðu, settu kjúklinginn út í og leyfðu að malla í 5 mínútur við lágan hita.
• Berðu réttinn fram með hrísgrjónum, steiktu eða fersku grænmeti og heitu snittubrauði.