Heimagerðir djúpsteiktir kleinuhringir

Fyrir 6

Þeir sem vilja gera sína eigin kleinuhringi þá er hér góð uppskrift.

Hægt er að setja matarliti og kökuskraut til að fullkomna listaverkið.

750 g hveiti
60 g sykur
10 g salt
20 g þurrger
40 g af vatni
7 stk. heil egg
1 tsk. lyftiduft
250 g smjör

Glassúr
Flórsykur
Vatn eða safi

Vinnið hráefnið saman með spaða í hrærivél. Hveiti, salt, sykur, ger, vatn og egg á litlum hraða þar til deigið kemur vel saman í um 2 til 5 mínútur.

Bætið smjörinu í litlum teningum og hrærið þar til smjörið er komið saman við deigið.

Látið hefast í 45 mínútur. Kýlið niður og dreifið á smjörpappír með hveiti stráð á. Gott að láta hvíla yfir nótt í kæli. Rúllið deigið út í um 3 cm þykkt. Stingið úr í hringi og skerið út litlar holur með minna útstungujárni.

Djúpsteikið í 170–190 °C heitri olíu. Snúið við og steikið á hinni hliðinni. Látið kólna og skreytið með glassúr með bragðefni að eigin vali (glassúr er bara flórsykur með ögn af vökva). Prófið til dæmis ávaxtasafa eða kakóduft.

Bjarni Gunnar Kristinsson

Myndir og höfundur er Bjarni Gunnar Kristinsson