Blóðmör og Lifrapylsa – Uppskrift

Slátur: Blóðmör og Lifrarpylsa

BLÓÐMÖR

1 lítri blóð
4 dl. vatn
1/2 matsk. salt
400 gr. rúgmjöl
600 gr. haframjöl
750 gr. til 1 kg. mör

Blóðið er sigtað í gegnum fínt sigti. Því næst er vatninu hellt í gegnum sigtið og saltinu blandað saman við blóð-ið, helmingurinn af mörnum settur út í, mjölið hrært saman við og hrært í, þar til það er jafnt.

Þá er mörnum hrært saman við eftir smekk. Rúsínur má setja í hluta af þeim blóðmör, sem borða á nýjan.

Blóðjafningurinn er svo látinn í vambakeppina, sem saumaðir hafa verið saman áður, en skilið eftir op að sjálfsögðu fyrir innihaldið.

Vambakeppirnir eru látnir hálfir af blóðjafning og svo saumað fyrir þá og jafnað vel í þeim.

Keppirnir eru settir ofan í sjóðandi, saltað vatn og soðnir í 2 1/2 til 3 1/2 klukkustund og oft snúið í pottinum.

LIFRARPYLSA

450 gr. lifur
1/2 matsk. salt
100 gr. nýru (2 nýru)
400 gr. mör
3 dl. mjólk
300 gr. rúgmjöl
200 gr. hveiti og hafra-mjöl
Lifrin og nýrun eru þvegin, himnurnar og allt slím tekið af þeim. Skorin í bita og allt saxað í söxunarvél 2—3 sinnum.

Saltinu og mjólkinni hrært vel saman við.

Mjölinu og mörnum er hrært saman við, þar til það er jafnt. Látið í keppi og soðið á sama hátt og blóðmörinn.

Þessar slátur-uppskriftir voru birtar í Alþýðublaðinu árið 1967.

Wikimedia Commons. Slátur. Höfundur myndar er Navaro. Birt undir CC BY-SA 3.0-leyfi.