137 milljóna gjaldþrot Argentínu steikhúss

Argentínu steikhúsi var lokað í apríl síðastliðnum og eins og fram hefur komið í fjölmiðlum að hluti starfsfólks hefði ekki fengið greidd laun vegna marsmánaðar.

Þá höfðu ekki verið greidd iðgjöld af launum starfsfólks frá því í maí árið 2017. Um tuttugu manns úr starfshópnum leituðu til stéttarfélagsins Eflingar í kjölfarið.

BOS ehf. tók við rekstri Argentínu í október á síðasta ári eftir að fyrrum rekstrarfélag veitingastaðarins, Pottur ehf., varð gjaldþrota í mars á sama ári.

Skiptafundur þrotabús BOS ehf., fyrrum rekstrarfélags Argentínu steikhúss, verður haldinn á skrifstofu skiptastjóra 21. desember kl. 10:00 og til stendur að ljúka skiptum þá.

Kröfur í þrotabúið nema rúmlega 137 milljónum króna talið er að lítið eða ekkert fáist upp í þær kröfur. Þetta kemur fram í Lögbirtingarblaðinu sem að mbl.is greinir frá.

Mynd: facebook / Argentína Steikhús