Heit æfing hjá Kokkalandsliðinu í dag

Heimsmeistarmót í matreiðslu er handan við hornið.  Kokkalandsliðið æfir stíft þessa dagana og eru t.a.m. með æfingu á heita matnum sem hófst í morgun að undirbúa mat fyrir 110 gesti seinna í dag.

Heimsmeistaramót í matreiðslu, er haldið á fjögurra ára fresti og fer fram dagana 23.-28. nóvember í Lúxemborg. Á mótinu mætast margir af færustu kokkum heimsins og þar er keppt í tveimur greinum. Annars vegar er keppt í svokölluðu köldu borði eða „Culinary Art Table“ og hins vegar í heitum réttum eða „Hot Kitchen“.

Í keppninni um heitu réttina er útbúinn þriggja rétta matseðill með forrétti, aðalrétti og eftirrétti sem eldaður er frá grunni á keppnisstað fyrir 110 gesti. Kokkalandsliðið vinnur með alíslenskar áherslur í gegnum keppnina og lögð er mikil áhersla á sérvalið sígilt íslenskt hráefni þar sem íslenskur þorskur, íslenskt lamb og Ísey skyr verða í aðalhlutverkum.

Með fylgja myndir frá æfingunni í dag.

Myndir: facebook / Kokkalandsliðið