Skúrinn Pizza joint opnar í Stykkishólmi

Eigendurnir Sveinn Arnar Davíðsson og Arnþór Pálsson eru klárir í slaginn

Skúrinn Pizza joint er nýjasta viðbót í veitingaflóru Stykkishólmar sem staðsettur er við Borgarbraut 1.

Eigendurnir eru Arnþór Pálsson, Þóra Margrét Birgisdóttir, Sveinn Arnar Davíðsson og Rósa Kristín Indriðadóttir.

„Við ætlum að vera með pizzur með alls konar rugli og svo verður sérstaðan sú að við ætlum að reyna að bjóða uppá bestu djúpsteiktu kjúllavængina á Íslandi.“

Sagði Arnþór Pálsson í samtali við veitingageirinn.is aðspurður um matseðilinn.

Framkvæmdir standa yfir og unnið er hörðum höndum við að opna veitingastaðinn sem fyrst, en áætlað er að opna á næstu tveimur vikum. Opnunartími verður seinni partinn og fram eftir kvöldi.

„Þetta verður bara búlla þannig það verða c.a. 15 sæti á háborðum.“

Sagði Arnþór að lokum.

Matseðill og fleiri myndir verða birtar hér á veitingageirinn.is þegar nær dregur að opnun.

Myndir: facebook / Skúrinn Pizza joint