Matstofan Rétt og Hótelklassinn á Icelandair hótel Reykjavík Natura

F.v. Trausti Víglundsson framreiðslumeistari, Elín Ása Magnúsdóttir og Vikar Ísak Pétursson. Á myndina vantar Stefán Viðarsson yfirmatreiðslumeistara Icelandair hótela.

Matstofan Rétt

Starfsfólk Icelandair Group nýtur þess nú að njóta morgunverðar, hádegisverðar og kaffimeðlætis á nýrri stórglæsilegri matstofu sem hlotið hefur nafnið Rétt. Rétt var opnað um miðjan ágúst, tekur 115 manns í sæti og við hönnun staðarins var leitast við að gera hann sem huggulegastan og meira eins og aðlaðandi veitingahús fremur en hefðbundinn matsal. Óhætt er að segja að vel hafi tekist til verksins og prýðir staðinn ýmsir gamlir munir úr flugsögu Icelandair og dótturfyrirtækja. Á Icelandair hótel Reykjavík Natura er þá að finna veitingastaðinn Satt og matstofuna Rétt. Kvenkynsorðið Rétt vísar í náttúru Íslands og réttir sem er að finna víða um land, en Icelandair hótel Reykjavík Natura leitast við að skapa upplifun sem tengist nafni og þema hótelsins alla leið.

Hótelklassinn

Hótelklassinn er nýr vettvangur hjá Icelandair hótelum til að auka þekkingu og færni alls okkar starfsfólks, í því starfi sem það gegnir hvort sem er í veitingadeild, gestamóttöku, þrifum eða öðrum störfum. Hótelklassinn samanstendur af metnaðarfullri dagskrá í fræðslu og þjálfun og markmiðið er að auka gæði þjónustu okkar sem og að hlúa að sjálfstrausti og ánægju starfsfólks. Námskeið verða haldin innan veggja Icelandair hótela um land allt sem og á Hilton Reykjavík Nordica. Það er Trausti Víglundsson fagstjóri, Hafdís Ólafsdóttir gæðastjóri og Stefán Viðarsson yfirmatreiðslumeistari Icelandair hótela sem hafa veg og vanda að Hótelklassanum auk þess sem fjölmargir gestafyrirlesarar og kennarar leggja okkur lið,

segir í fréttatilkynningu frá Icelandair Hótel Natura.

Mynd: Icelandair Hotels

/Smári