Matur og Drykkur tilnefnt sem veitingahús ársins á Íslandi – Nordic Prize

Matur og drykkur opnaði í janúar 2015.
Veitingastaðurinn hefur á skömmum tíma vakið mikla athygli fyrir frumleika og ögrun í útfærslu íslenskra rétta.

Matur og Drykkur hefur verið tilnefnt sem veitingahús ársins á Íslandi í Norrænu keppninni The Nordic Prize.

Í maí á næsta ári verður tilkynnt hvaða veitingahús hlýtur The Nordic Prize 2016 og þar með titilinn veitingahús ársins á Norðurlöndunum.

Eftirfarandi veitingahús eru tilnefnd:

• Clou – Danmörk, Kaupmannahöfn
• Matur & Drykkur – Ísland, Reykjavík
• Olo – Finnland, Helsinki
• Vollmers – Svíþjóð, Malmö

Dómnefnd á eftir að tilnefna veitingahús í Noregi, en það verður gert á næstu dögum.

Verðlaunin Nordic Prize voru fyrst afhent árið 2009 og var það danska veitingahúsið Noma og René Redzepi sem hlaut þann heiður.

Mynd: Smári / veitingageirinn.is