Undanþága Hallarinnar í Vestmannaeyjum framlengd út janúar

Höllin hefur fengið úrskurð frá umhverfisráðuneytinu varðandi undanþágu til skemmtihalds í veislu- og ráðstefnuhúsinu Höllinni. Styr hefur staðið um bygginguna og starfsemina þar og var málið komið til Heilbrigðiseftirlits Suðurlands. Hallarbændur kærðu úrskurð Heilbrigðiseftirlitsins til ráðuneytis sem hefur nú gefið tímabundið leyfi til Hallarinnar eða út janúar.

Þetta þýðir að umhverfisráðuneytið hefur framlengt bráðabirgðaleyfi Hallarinnar út janúar og er því hægt að halda böll þar út mánuðinn.  Samkvæmt heimildum Eyjafrétta lá úrskurðinn fyrir hjá ráðuneytinu fyrir viku síðan og var hann sendur Heilbrigðiseftirliti Suðurlands.  Hins vegar hafði eigendum Hallarinnar ekki verið tilkynnt um úrskurðinn fyrr en þeir leituðu sjálfir til ráðuneytis og er hugsanlegt að Heilbrigðiseftirlitið hafi framið stjórnsýslubrot með að tilkynna eigendum Hallarinnar ekki strax um úrskurð ráðuneytisins.

Greint frá á fréttavefnum eyjafrettir.is

[email protected]