Dauða kanínan verður fulla kanínan

Dead Rabbit í New York

Eig­end­ur bars­ins sem átti að heita Dead Rabbit hafa ákveðið að breyta nafn­inu. Nafn­gift­in vakti hörð viðbrögð hjá eig­end­um sam­nefnds staðar í New York en mögu­leg mál­sókn er þó ekki ástæða breyt­ing­anna að sögn eig­anda.

Sjá einnig: “Nafninu Dead Rabbit hefur verið rænt af okkur”

Líkt fram hef­ur komið hafa op­in­ber­ar deil­ur staðið yfir milli eig­enda Dead Rabbit í New York og þeirra Ómars Ingimars­son­ar og Andrés­ar Björns­son­ar. Þeir síðar­nefndu ætluðu nefni­lega að opna sam­nefnd­an bar í Aust­ur­stræti en fyrr­nefndi staður­inn nýt­ur mik­illa vin­sælda í New York og hef­ur kom­ist á nokkra lista yfir bestu bari borg­ar­inn­ar.

Frétt mbl.is: Telja ís­lensk­an bar vera eft­ir­hermu

Í sam­tali við New York Daily sögðust eig­end­urn­ir í New York m.a. vera að reyna að leita rétt­ar síns.

Í sam­tali við mbl viður­kenndu þeir Ómar og Andrés að hafa varið mörg­um klukku­stund­um og eytt miklu fé á Dead Rabbit í New York þegar þeir fóru til borg­ar­inn­ar að skoða bari og veit­ingastaði til þess að leita eft­ir inn­blæstri áður en þeir ákváðu að opna staðinn í Aust­ur­stræti.

Frétt mbl.is: Dauða kan­ín­an á Íslandi svar­ar fyr­ir sig 

Andrés tel­ur að þeir hafi verið í full­um rétti laga­lega séð og seg­ir það ekki ástæðuna fyr­ir breyt­ing­unni. „Þó þeir hefðu farið í mál við okk­ur hefðu þeir aldrei unnið það,“ seg­ir hann og bæt­ir við að þeir hafi frek­ar viljað byggja upp sína eig­in sögu.

Það sé ástæðan fyr­ir nafn­breyt­ing­unni og mun staður­inn því héðan í frá ganga und­ir nafn­inu Drunk Rabbit.

Bar­inn verður þó áfram með írsku þema en nafnið The Dead Rabbit á ræt­ur að rekja til írsks geng­is í New York á nítj­ándu öld sem öðlaðist frægð að nýju í kvik­mynd­inni „Gangs of New York“ eft­ir Mart­in Scorsese.

Andrés seg­ir fram­kvæmd­ir á staðnum ganga mjög vel og er stefnt á opn­un í byrj­un mars.

Greint frá á mbl.is

Myndir: af facebook síðu Dead Rabbit NYC.