Strikið opnar aftur eftir gagngerar breytingar – Myndir

Veitingahúsið Strikið á Akureyri er á fimmtu hæð Alþýðuhússins við Skipagötu og hefur ávallt verið einn af vinsælustu veitingastöðunum á Akureyri.

Um áramótin s.l. var veitingastaðnum lokað og hafist handa að taka Strikið alveg í gegn.

„Strikið átti 10 ára afmæli þann 22. desember síðastliðinn og fannst okkur kominn tími á suma hluti þannig við ákváðum að skella okkur í framkvæmdir,“

sagði Heba Finnsdóttir framleiðslumeistari og einn eiganda Striksins í samtali við veitingageirinn.is aðspurð um framkvæmdirnar.

Það var Leifur Welding sem sá um hönnunina.  Gagngerar breytingar voru gerðar á salnum nýtt gólf, stóla, borð, lýsingu ásamt því að eldhúsið fékk einnig upplyftingu, nýtt gólfefni, málað ofl.

Maturinn og notalega stemmningin sem einkennir Strikið fær nú samt að halda sér og var opnað 15. janúar s.l. með pomp og prakt og boðið var upp á glæsilegan þriggja rétta matseðil á aðeins 4900 kr.

Humarsúpa í forrétt með kókos og tígris rækju

Val á milli
Kjúklingabringu með chilli hnetu hjúp, kartöflumús og kálfa gljáa

Eða

Pönnusteiktur hlýri og nípa með skelfisk sósu

Djúsí súkkulaðikaka i eftirrétt með passion sorbet

Mojito-inn var auðvitað á boðstólnum og einungis á 1000 kr., sama gamla góða verðið eins og var fyrir 10 árum síðan.

Meðfylgjandi myndir sýna framkvæmdirnar og hvernig salurinn lýtur út eftir breytingarnar.  Virkilega flott.

Myndir: af facebook síðu Striksins.