Surf & Turf skyndibitans

Það er veitingastaðakeðjan American Style sem eru fyrstir til að bjóða þennann rétt í skyndibitaformi hér á landi.  Og maður spyr sig af hverju hafði engum dottið þetta í hug fyrr?  Á matseðlinum heitir hann Nr. 60 Lobster style og innihald er hamborgari með kryddmayonnaise, steiktum íslenskum ostrusveppum, hvítlauksristuðum humarhölum, salati og cítrussósu í hamborgarabrauði.

Hann smakkaðist mjög vel utan þess að kryddmayonnaiseið er of sterkt, fyrir svona bragðlitla vöru eins og humar.  Það eru um 100 gr. humar á borgaranum og er það vel og þó hann sé smár er hann bragðgóður ef maður nær að sneiða framhjá áðurnefndri sósu.

Og ekki spillir verðið en það er 1895 kr. með ómótstæðilegum frönskum kartöflum.

Eitt hefur American style haft frá byrjun það er stöðugleiki og mikil gæði og ekki spillir þessi nýi réttur fyrir frekar en aðrir réttir á nýja matseðlinum hjá þeim.

Flott gert.

Myndir og texti: Sverrir