Pallurinn á Húsavík kominn á fullt | Sniðugt konsept í sumar

Aníta Ösp Ingólfsdóttir er núna á Pallavaktinni frá þriðjudegi til næstkomandi sunnududags

Pallurinn á Húsavík kominn á fullt | Sniðugt konsept í sumar

Veitingastaðurinn Pallurinn opnaði í fyrra 1. júní 2012 á þaki björgunarsveitarhússins á Húsavík. Einungis er um sumarævintýri að ræða enda veitingarýmið í tjaldi. Það er matreiðslumaðurinn Völundur Snær Völundarson sem á heiðurinn að Pallinum ásamt hans ógnarfríða föruneyti sem þykir með skemmtilegra fólki norðan Alpafjalla.

Nú er Pallurinn kominn á fullt og býður upp á skemmtilegt konsept í sumar, en kokkarnir á Borginni ætla að taka þátt í ævintýrinu og verður sumrinu skipt niður, þ.e. hver kokkur fær eina viku á Pallinum þar sem hver og einn kemur með sína sérhönnuðu rétti sem verða eingöngu í boði þá vikuna. Það eru þá tólf kokkar sem berjast um titilinn Pallameistarinn 2013 og í lok sumars verður vinningshafinn krýndur.

Kokkur vikunnar núna er Aníta Ösp Ingólfsdóttir sem ættuð er frá Sauðárkróki. Aníta kemur til með að bjóða upp á þunnskorið nautafile, léttsteikt með soya, lime og chili sósu í forrétt og í aðalrétt er kjúklingalæri í sítrónu, basil og chili marineringu með appelsínusósu, sætum kartöflum og mangó salsa og þetta kostar aðeins 3200, gera aðrir betur.

Ferskur og spennandi matseðill verður í sumar.

Að sjálfsögðu verður heilgrillað lamb að hætti Völla Snæ á boðstólnum í sumar

Kjartan alltaf ferskur og er mættur á Pallinn

Myndir af facebook síðu Pallsins.